Arhiksï iretaecha énkaksï k'éri juátarhu karamani ka wirhintani ísï jaka, ísïks'ï míteasti éska "región de los santos"; ka ixuks'ï anapuecha ísï míteasti éska "ranchu anapuecha", jóperhuks'ï yámintuecha jimak'u irheta jimpo anapuechasti, P'ámatakwarhu.
Íksï iretaecha témpeni tanimu úkwarherasti, yámuks'ï jimini P'ámatakwarhu p'intakwarhesti, ïsí jimpo sánterhu sáni yámintu kw'irhipi i iretaecha jimpo mítperhanhasti ka wánikwaks'ï ampe márkunhasti, nák'irhu mámarhu irhetaecha jimpo irhekwarhinani jaka. Jintenichi jimani exesïnka énka kw'ínchekwa ampema úkwarheaka, jimani márkwa úkwarhenhantasïnti ka jimachi exesïnka éskachi yápurhu etsakwarhetixaka, jóperhuchi márku sïrankwarhu wératini jurhasïnka.
